Regen

Rääge isch d Form vo flüssigem Niiderschlaag us Wulke, wo am hüfigste vorchunnt. Er bestoot us Wasserdropfe, wo entstoon, wenn Wasserdampf kondensiert und er fallt aabe uf d Ärde wäge dr Schwerchraft.

Im Rääge het s au Staub und Aerosol, wo in d Atmosfääre uufegstiige si. Die Bestanddäil bestimme dr ph-Wärt vom Rääge.

Bi Rääge macht mä Underschiid noch däm, wien er entstande isch, wie lang er fallt, wie stark er isch, was er für e Wirkig het und von er vorchunnt. Feste Niiderschlaag, z. B. Haagel oder Schnee, bestoot us gfrornigem Wasser und Kondensazionskäim und chunnt au gmischt mit Rääge vor.